Инвестицияларды мемлекеттік қолдаудың мақсаты экономиканы дамыту үшін қолайлы инвестициялық ахуал құру және жаңа технологияларды қолдана отырып, жұмыс істеп тұрған өндірістерді құруға, кеңейтуге және жаңартуға инвестицияларды ынталандыру, қазақстандық кадрлардың біліктілігін арттыру, сондай-ақ қоршаған ортаны қорғау болып табылады. Инвестицияларды мемлекеттік қолдау "Салық және бюджетке төленетін басқа да міндетті төлемдер туралы" Қазақстан Республикасының Кодексіне (Салық кодексі) сәйкес Қазақстан Республикасының салық заңнамасы өзгерген кезде инвестициялық преференциялар беру және (немесе) тұрақтылық кепілдігін беру түрінде мемлекеттік преференциялар беруден тұрады.